მთავარი ჩვენს შესახებ გადაცემები დაგვიკავშირდით რეკლამა
GE |  AB |  EN |  RU
 კულტურა განათლება და მეცნიერება
ეკონომიკა საზოგადოება
ახალი თაობა რელიგია  ჯანდაცვა და სპორტი სახელისუფლებო სტრუქტურები

მონიტორინგის კომიტეტის თანამომხსენებლები - საქართველო იმსახურებს პროგრესის აღიარებას

2018-01-26 11:45

 

ბოლო წლების განმავლობაში საქართველომ მნიშვნელოვან და თანმიმდევრულ პროგრესს მიაღწია ევროპის საბჭოს მიმართ ნაკისრი ვალდებულებების შესრულების კუთხით და ეს ყველაფერი გაკეთდა ევროპის საბჭოსთან ბრწყინვალე თანამშრომლობით. საქართველო იმსახურებს ამ პროგრესის აღიარებას,- ამის შესახებ ევროპის საბჭოს მონიტორინგის კომიტეტის საინფორმაციო ბარათშია ნათქვამი. 

პარლამენტის პრესსამსახურის ინფორმაციით, დოკუმენტში, რომელიც მონიტორინგის კომიტეტის მომხსენებლებმა - კერსტინ ლუნდგრენმა და ტიტუს კორლატეანმა საქართველოში ვიზიტის შემდეგ მოამზადეს, საქართველოში მიმდინარე დემოკრატიული პროცესებისა და ქვეყნის წინაშე არსებული გამოწვევების შესახებაა საუბარი. 

საინფორმაციო ბარათში განსაკუთრებული ყურადღება საკონსტიტუციო რეფორმას ეთმობა. რეფორმა პოზიტიურადაა შეფასებული და აღნიშნულია რომ საქართველოს კონსტიტუციურ სისტემაში ეს ცვლილებები მნიშვნელოვანი პროგრესია. მომხსენებლები მიესალმებიან კონსტიტუციური ცვლილებების იმ კომპრომისულ ვარიანტს, რომელიც საქართველოს პარლამენტმა უკვე ორი მოსმენით მიიღო და რომელიც, მათი თქმით, სრულად პროპორციულ საარჩევნო სისტემაზე გადასვლამდე უზრუნველყოფს მეტად პლურალისტურ პოლიტიკურ გარემოს. დოკუმენტში, ასევე, პოზიტიურადაა შეფასებული, რომ მმართველმა გუნდმა ვენეციის კომისიის რეკომენდაციები დაუყოვნებლივ გაითვალისწინა. ანგარიშში გარდა ამისა, ხაზგასმულია, რომ საქართველოს კონსტიტუციის ახალი რედაქცია მოიცავს ნორმებს, რომლებიც ქვეყანაში მართლმსაჯულების დამოუკიდებლობის გაუმჯობესებას ემსახურება. 

საინფორმაციო ბარათში ყურადღება პარლამენტის როლზეა გამახვილებული და ნათქვამია, რომ ქვეყნის უმაღლესი საკანონმდებლო ორგანოს საზედამხედველო ფუნქცია უნდა გაძლიერდეს. კერძოდ, აღნიშნულია, რომ უნდა გაძლიერდეს საპარლამენტო კონტროლი თავდაცვისა და უსაფრთხოების სექტორზე, ასევე, ხელი უნდა შეეწყოს ოპოზიციის როლის ზრდას პარლამენტში. მომხსენებლები ოპოზიციას უმრავლესობასთან თანამშრომლობისკენ მოუწოდებენ და აღნიშნავენ, რომ ოპოზიცია არ უნდა შეეწინააღმდეგოს ხელისუფლებიდან წამოსულ ინიციატივებს მხოლოდ იმ მიზეზის გამო, რომ ისინი უმრავლესობიდან მოდის. 

დოკუმენტში საუბარია საქართველოში არსებულ მედია გარემოზეც და აღნიშნულია, რომ ამ მხრივ, საქართველო რეგიონში სამაგალითო ქვეყანაა. მომხსენებლები მიესალმებიან საქართველოს გადაწყვეტილებას, სამაუწყებლო კომპანია „რუსთავი 2“-ის საქმეზე სტრასბურგის ადამიანის უფლებათა ევროპული სასამართლოს გადაწყვეტილებას დაელოდოს. 

საინფორმაციო ბარათში პოზიტიურადაა შეფასებული გასულ წელს ჩატარებული ადგილობრივი თვითმმართველობის არჩევნები, ასევე, მომხსენებლები დადებითად აფასებენ საქართველოს ახალი სახალხო დამცველის არჩევის პროცესს და მტკიცე მხარდაჭერას უცხადებენ ომბუდსმენის ინსტიტუტს. 

დოკუმენტში საუბარია ადამიანის უფლებათა ევროპული სასამართლოს იმ გადაწყვეტილებაზეც, რომელიც საქართველოს ყოფილი პრემიერ-მინისტრის, ივანე მერაბიშვილის საქმეს ეხება. საინფორმაციო ბარათში ხაზგასმულია, რომ სასამართლოს გადაწყვეტილება ივანე მერაბიშვილის სასამართლო პროცესსა და გამამტყუნებელ განაჩენს არ უკავშირდება. 

ანგარიშის მნიშვნელოვანი ნაწილი საქართველოს ოკუპირებულ ტერიტორიებზე არსებულ ვითარებას, ბორდერიზაციის პროცესსა და ეთნიკური ქართველების დევნისა და შევიწროვების ფაქტებზე საუბარს ეთმობა. დოკუმენტში ხაზგასმულია, რომ ევროპის საბჭოს საპარლამენტო ასამბლეა აგრძელებს საქართველოს ტერიტორიული მთლიანობისა და სუვერენიტეტის მტკიცე და ურყევ მხარდაჭერას. 

ევროპის საბჭოს საპარლამენტო ასამბლეის მონიტორინგის კომიტეტის მომხსენებლები -კერსტინ ლუნდგრენი და ტიტუს კორლატეანი საქართველოში გასული წლის ნოემბერში იმყოფებოდნენ. ვიზიტის ფარგლებში, თანამომხსენებლებმა შეხვედრები საქართველოს საკანონმდებლო და აღმასრულებელი ხელისუფლების წარმომადგენლებთან, პრეზიდენტთან, დიპლომატიური კორპუსის, არასამთავრობო ორგანიზაციების, არასაპარლამენტო ოპოზიციის წარმომადგენლებთან და სახალხო დამცველთან გამართეს. 

კერსტინ ლუნდგრენი და ტიტუს კორლატეანი საქართველოში მომდევნო ვიზიტს 2018 წლის პირველ ნახევარში გეგმავენ. 

 

 

წყარო: ,,http://www.interpressnews.ge"


 
 
თქვენთვის საინტერესო
ნატო-ს საპარლამენტო ასამბლეა ალიანსში გაწევრიანებისადმი საქართველოს მისწრაფებას მხარს უჭერს
ნატო-ს საპარლამენტო ასამბლეა მხარს უჭერს საქართველოს მისწრაფებას ალიანსში გაწევრიანებისადმი, თუმცა მოუწოდებს, ევროპის საბჭოს საპარლამენტო ასამბლეის (PACE) რეზოლუციისა და ეუთო-ს ჰელსინკის დეკლარაციის რეკომენდაციები სრულად შეასრულოს.

ირანის ელჩი – ვერანაირი ქარიშხალი და გრიგალი ირან-საქართველოს ურთიერთობებს ხელს ვერ შეუშლის
ვერანაირი ქარი, ქარიშხალი და გრიგალი ირანსა და საქართველოს ურთიერთობებს ხელს ვერ შეუშლის, - ამის შესახებ ირანის საგანგებო და სრულუფლებიანმა ელჩმა საქართველოში აბას თალებიფარმა, საქართველოს საგარეო საქმეთა მინისტრის მოადგილის, დავით დონდუას განცხადების თაობაზე დასმული კითხვის საპასუხოდ აღნიშნა. 

გაერო-ს ადამიანის უფლებათა საბჭოზე საქართველოს ოკუპირებულ რეგიონებში ადამიანის უფლებების მხრივ არსებულ რთულ ვითარებაზე განცხადება გაკეთდა
გაერო-ს ადამიანის უფლებათა საბჭოს მიმდინარე, 32-ე სესიის ფარგლებში ლატვიის დელეგაციამ, გაერო-ს 42 სახელმწიფოს სახელით, გააკეთა საქართველოს დელეგაციის მიერ ინიცირებული ერთობლივი განცხადება საქართველოს აფხაზეთისა და ცხინვალის რეგიონებში ჰუმანიტარული ადამიანის უფლებათა მდგომარეობის შესახებ.


 
 
 
ივნისი
2018
ორ სამ ოთხ ხუთ პარ შაბ კვ
     1 2 3
4
5
6
7
8 9 10
11
12
13 14
15
16 17
18 19 20 21 22 23 24
25 26 27 28 29 30
საქართველო და მსოფლიო
თამარ ჩუგოშვილი - ევროპარლამენტმა ისტორიული გადაწყვეტილება მიიღო
ევროპარლამენტს არასდროს მიუღია ერთიანი დოკუმენტი, კონკრეტულად, საქართველოს ტერიტორიული მთლიანობის საკითხთან დაკავშირებით, - ასე აფასებს საქართველოს პარლამენტის თავმჯდომარის პირველი მოადგილე თამარ ჩუგოშვილი ევროპარლამენტის მიერ რეზოლუციის - „საქართველოს ოკუპირებული ტერიტორიები რუსეთის ინტერვენციიდან 10 წლის შემდეგ“ მიღებას. 

ჰიზერ ნაუერტი - ასადის რეჟიმის გადაწყვეტილება არ შეცვლის რეალობას ან ჩვენს პოზიციას საქართველოს სუვერენიტეტზე
რუსეთის მიერ ოკუპირებული აფხაზეთი და "სამხრეთ ოსეთი" საქართველოს განუყოფელი ნაწილია, - ამის შესახებ აშშ-ს სახელმწიფო დეპარტამენტის ოფიციალურმა წარმომადგენელმა ჰიზერ ნაუერტმა განაცხადა.

იანოშ ჰერმანი - სირიის გადაწყვეტილება ეწინააღმდეგება საერთაშორისო სამართალს და არაღიარების პოლიტიკას, რომელსაც ევროკავშირი ატარებს
სირიის მიერ ოკუპირებული აფხაზეთისა და „სამხრეთ ოსეთის“ დამოუკიდებლობის აღიარებასთან დაკავშირებით საქართველოში ევროკავშირის წარმომადგენელმა იანოშ ჰერმანმა განცხადება გააკეთა.

ნატოს სამეკავშირეო ოფისი - სირიის გადაწყვეტილება გავლენას არ მოახდენს იმ ფართო საერთაშორისო გაგებაზე, რომ „სამხრეთ ოსეთი“ და აფხაზეთი საქართველოს ნაწილია
„სამხრეთ ოსეთისა“ და აფხაზეთის რეგიონები საქართველოს ნაწილია, - ამის შესახებ ნატოს სამეკავშირეო ოფისის განცხადებაშია აღნიშნული. განცხადების თანახმად, ნატო კვლავ მოუწოდებს რუსეთს, უკან წაიღოს საქართველოს რეგიონების, აფხაზეთისა და "სამხრეთ ოსეთის" აღიარება და გამოიყვანოს თავისი ძალები საქართველოდან. 

ნატო-ს საპარლამენტო ასამბლეის დასკვნით დეკლარაციაში ალიანსის წევრები საქართველოს ნატო-ში ინტეგრაციას მხარს უჭერენ
ნატო-ს საპარლამენტო ასამბლეის დასკვნით დეკლარაციაში ალიანსის წევრები საქართველოს ნატო-ში ინტეგრაციას მხარს უჭერენ. აღნიშნული დოკუმენტი ვარშავაში გამართული საგაზაფხულო სესიის ფარგლებში მიიღეს. 

კონგრესმენი კონოლი - ჩვენ არ მოვისვენებთ, ვიდრე საქართველოს სუვერენულ სახელმწიფოს არ დაუბრუნდება ტერიტორიები და რუსული ოკუპაცია არ დასრულდება
ჩვენ არ მოვისვენებთ, ვიდრე საქართველოს ტერიტორიები არ დაუბრუნდება საქართველოს სუვერენულ სახელმწიფოს და ვიდრე საქართველოს ამ ტერიტორიების რუსული ოკუპაცია არ დასრულდება, - ამის შესახებ საქართველოს მეგობართა ჯგუფის თანათავმჯდომარემ კონგრესმენმა ჯერალდ კონოლიმ აშშ-ის კონგრესში, საქართველოს პირველი დემოკრატიული რესპუბლიკის 100 წლის იუბილისადმი მიძღვნილ საზეიმო მიღებაზე სიტყვით გამოსვლისას განაცხადა. 

ვეს მიტჩელი გიორგი კვირიკაშვილს - მადლობას გიხდით თქვენი ლიდერობისთვის, იმ როლისთვის, რომელსაც ასრულებთ რეგიონში უსაფრთხოების განმტკიცების კუთხით
მადლობას გიხდით თქვენი ლიდერობისთვის, იმ როლისთვის, რომელსაც თქვენ და თქვენი გუნდი ასრულებთ რეგიონში უსაფრთხოების განმტკიცების კუთხით, ასევე - ნატოსა და ევროკავშირისკენ მიმავალ გზაზე წინსვლის უზრუნველსაყოფად, - ამ სიტყვებით მიმართა აშშ-ის სახელმწიფო მდივნის თანაშემწემ ევროპისა და ევრაზიის საკითხებში ვეს მიტჩელმა საქართველოს პრემიერ-მინისტრ გიორგი კვირიკაშვილს მთავრობის ადმინისტრაციაში გუშინ გამართულ შეხვედრაზე.

აშშ-ის სახელმწიფო მდივნის თანაშემწე - ჩვენ არ ვაღიარებთ გამყოფ ხაზს, როგორც საერთაშორისო საზღვარს - 10 წლის წინ აქ იყო ომი და მე დღეს აქ ვარ, რათა შევახსენო რუსეთს, რომ მსოფლიოს არ დავიწყებია ეს მოვლენები
ათი წლის წინ აქ იყო ომი და მე დღეს აქ ვარ, რათა შევახსენო რუსეთის მთავრობას, რომ მსოფლიოს არ დავიწყებია ეს მოვლენები, - ამის შესახებ აშშ-ის სახელმწიფო მდივნის თანაშემწემ ევროპისა და ევრაზიის საკითხებში უეს მიტჩელმა საოკუპაციო ხაზთან მდებარე სოფელ ოძისში განაცხადა.

იენს სტოლტენბერგი - მივესალმებით საქართველოს პროგრესს და ვიმედოვნებ, რომ ნატოს სამიტი ამ პროგრესს აღნიშნავს
საქართველო ნატო-ს ძალიან ახლო პარტნიორია. ვახორციელებთ ბევრი სხვადასხვა სახის საქმიანობას, რითაც უზრუნველვყოფთ პრაქტიკულ და პოლიტიკურ მხარდაჭერას საქართველოსთვის, - ამის შესახებ ნატოს გენერალურმა მდივანმა იენს სტოლტენბერგმა ბრიუსელში გამართულ ბრიფინგზე, „ინტერპრესნიუსის“ კითხვაზე პასუხისას განაცხადა. 

ნატო-ს საპარლამენტო ასამბლეის თავმჯდომარე - შავი ზღვის რეგიონში სტაბილურობა მნიშვნელოვანია არა მხოლოდ საქართველოსთვის, არამედ ევროპისთვისაც
შავი ზღვის რეგიონში სტაბილურობა მნიშვნელოვანია არა მხოლოდ საქართველოსთვის, არამედ ევროპისთვისაც, -ამის შესახებ ნატო-ს საპარლამენტო ასამბლეის თავმჯდომარემ პაოლო ალიმ განაცხადა.

პასკალ მენიე - საქართველოში ინვესტირებით არაერთი ფრანგული კომპანიაა დაინტერესებული
რეგიონული განვითარებისა და ინფრასტრუქტურის მინისტრი მაია ცქიტიშვილი საფრანგეთის სრულუფლებიან და საგანგებო ელჩს საქართველოში პასკალ მენიეს და საფრანგეთის განვითარების სააგენტოს წარმომადგენლობის ხელმძღვანელს სამხრეთ კავკასიაში გაელ ასაიჯის შეხვდა.

ყველა სიახლე >>>   
 Created By Intellcomgroup