მთავარი ჩვენს შესახებ გადაცემები დაგვიკავშირდით რეკლამა
GE |  AB |  EN |  RU
 კულტურა განათლება და მეცნიერება
ეკონომიკა საზოგადოება
ახალი თაობა რელიგია  ჯანდაცვა და სპორტი სახელისუფლებო სტრუქტურები

ბიძინა ლებანიძე - ევროკავშირის ახალი ხელმძღვანელობის არჩევით სავარაუდოდ, საკმაოდ გაძლიერდება ევროკავშირის საგარეო და უსაფრთხოების პოლიტიკა, რაც საქართველოსთვის კარგია

2019-07-05 12:47

ევროკავშირის რიგგარეშე სამიტის სავარაუდო შედეგებზე „ინტერპრესნიუსი“ გერმანიაში მოღვაწე ქართველ პოლიტოლოგს, საქართველოს პოლიტიკის ინსტიტუტის მკვლევარს, ბრემენის უნივერსიტეტს მეცნიერ-თანამშრომელს და ილიას უნივერსიტეტის ასოცირებულ პროფესორს, ბიძინა ლებანიძეს ესაუბრა.

 

- ბატონო ბიძინა, ევროპელი ლიდერები ევროკავშირის რიგგარეშე სამიტზე ევროკავშირის წამყვან თანამდებობებზე კანდიდატურებთან დაკავშირებით შეთანხმდნენ - ევროპული საბჭოს პრეზიდენტი ბელგიის პრემიერი შარლ მიშელი იქნება, ევროკომისიას გერმანიის წარმომადგენელი ურსულა ფონ დერ ლაიენი ჩაუდგება სათავეში, რომელმაც 2013 წელს გერმანიის თავდაცვის მინისტრის პოსტი დაიკავა.

ევროკავშირის საგარეო პოლიტიკას ესპანეთის საგარეო საქმეთა მინისტრის მოვალეობის შემსრულებელი ჟოზეფ ბორელი უხელმძღვანელებს, ხოლო ევროპის ცენტალურ ბანკს კრისტინ ლაგარდი, რომელიც მანამდე მსოფლიო სავალუტო ფონდს ხელმძღვანელობდა.

თქვენ როგორ შეაფასებდით ევროკავშირის წამყვან თანამდებობებზე იმ კანდიდატურების დასახელებას, რომლებზეც ევროკავშირის ლიდერები შეთანხმდნენ?

- პირველი, რაც თვალში ხვდება, რა თქმა უნდა, არის რეგიონული მიკერძოება - არც ერთი კანდიდატი არ არის წარმოდგენილი აღმოსავლეთ ევროპის ქვეყნიდან. ასევე არც ერთი კანდიდატი არ არის ჩრდილო ევროპული ქვეყნებიდან.

რაც თვალში ხვდება, რა თქმა უნდა, არის რეგიონული მიკერძოება - არც ერთი კანდიდატი არ არის წარმოდგენილი აღმოსავლეთ ევროპის ქვეყნიდან. ასევე არც ერთი კანდიდატი არ არის ჩრდილო ევროპული ქვეყნებიდან

თვითონ შერჩეული კანდიდატები, რა თქმა უნდა, საკმაოდ გამოცდილები არიან. ლაიენი 6 წელი იყო გერმანიის თავდაცვის მინისტრი, წამოიწყო ბუნდესვერის რეფორმა და პირველად „ცივი ომის“ შემდეგ გაზარდა გერმანიის სამხედრო ბიუჯეტი.

ევროკავშირის ახალი ხელმძღვანელობის არჩევით სავარაუდოდ საკმაოდ გაძლიერდება ეროკავშირის საგარეო და უსაფრთხოების პოლიტიკის პროფილიც. ეს, რა თქმა უნდა, კარგია საქართველოსთვის.

ევროკავშირის ახალი ხელმძღვანელობის არჩევით სავარაუდოდ საკმაოდ გაძლიერდება ევროკავშირის საგარეო და უსაფრთხოების პოლიტიკა, რაც საქართველოსთვის კარგია

რასაკვირველია, გარკვეული თვალსაზრისით შეიძლება უკეთესი იქნებოდა რომელიმე თანამდებობაზე აღმოსავლეთევროპული ქვეყნის წარმომადგენლის დანიშვნა.

თუმცა, მეორეს მხრივ, გერმანელი კომისიის პრეზიდენტი ალბათ უფრო გავლენიანი იქნება, ვიდრე სხვა რომელიმე ქვეყნისა. ამასთან, არ უნდა დავივიწყოთ, რომ ევროკავშირში გადაწყვეტილების მიღების სიმძიმის ცენტრი კვლავ ცალკეულ სახელმწიფოებზე მოდის და ევროკავშირის ინსტიტუტებისა და მათი ლიდერების კომპეტენციები საკმაოდ შეზღუდულია.

- 20-22 ივნისის ლიდერთა შეხვედრაზე ევროკავშირის წამყვან თანამდებობებზე იპპ-ს ლიდერ მანფრედ ვებერის, კონკურენციის სფეროში ყოფილი ევროკომისრის დანიელი პოლიტიკოსის მარგარეტ ვესტაგერის, ცნობილი ჰოლანდიელი დიპლომატისა და ვეტერანი ევროპოლიტიკოსის ფრანც ტიმერმანის, ასევე ბრექსიტის საკითხებში ბრიტანეთის მხრიდან მთავარი მომლაპარაკებლის მიშელ ბარნიეს კანდიდატურები განიხილებოდა.

ვინაიდან საბოლოდ სულ სხვა პერსონებზე იქნა შეთანხმება მიღწეული, უნდა გკითხოთ - სავარაუდოდ, რა შეიძლება იყოს მიზეზი, რომ 20-22 ივნისისათვის ვისი კანდიდატურებიც განიხილებოდა, არც ერთი მათგანი ევროსტრუქტურების წამყვან თანამდებობაზე არ მოხვედრილა?

- ვებერი, ვესტაგერი და ტიმერმანი იყვნენ ე.წ. „შპიცენკანდიდატები“, ანუ ევროპული პარტიების კანდიდატები ევროკომისიის პრეზიდენტის პოსტზე და ბოლო დროის დაუწერელი წესის თანახმად, პრეზიდენტი უნდა გამხდარიყო ის კანდიდატი, რომლის პარტიაც გაიმარჯვებდა არჩევნებში ან კოალიციის შექმნის შემთხვევაში, ვისაც ექნებოდა ყველაზე მეტი ადგილი პარლამენტში.

თუმცა, ლისაბონის ხელშეკრულების თანახმად, ევროკომისიის პრეზიდენტის კანდიდატურა პარლამენტს უნდა წარუდგინოს ევროკავშირის საბჭომ, ანუ ევროპის ქვეყნის ლიდერებმა, და ამ შემთხვევაში საბჭომ არ გაითვალისწინა „შპიცენკანდიდატების“ ეს დაუწერელი წესი, რაც რა თქმა, უნდა ცუდია ევროკავშირის დემოკრატიულობისთვის.

ევროკავშირში გადაწყვეტილების მიღების სიმძიმის ცენტრი კვლავ ცალკეულ სახელმწიფოებზე მოდის და ევროკავშირის ინსტიტუტებისა და მათი ლიდერების კომპეტენციები საკმაოდ შეზღუდულია

ზოგადად ევროკავშირს, როგორც წესი, ხშირად აკრიტიკებენ დემოკრატიის დეფიციტის გამო და შპიცენკანდიდატის იდეაც იმიტომ გაჩნდა, რომ ეს პრობლემა ნაწილობრივ აღმოეფხვრათ.

მაგრამ, საბოლოოდ საბჭო ვერც ერთ შპიცენკანდიდატზე ვერ შეთანხმდა - იყო აზრთა სხვადასხვაობა მერკელსა და მაკრონს შორის და დიდი ვაჭრობისა და კარსუკანა პოლიტიკური გარიგებების შედეგად აირჩიეს სულ სხვა კანდიდატები.

ეს ცუდია ევროპული დემოკრატიისთვის და კარგია ევროსკეპტიკოსებისთვისა თუ პოპულისტებისთვის, ვინაიდან მათ მეტი სალაპარაკო მიეცემათ.

- საქართველოს საგარეო საქმეთა მინისტრმა დავით ზალკალიანმაევროკავშირის საგარეო პოლიტიკას ხელმძღვანელად ესპანეთის საგარეო საქმეთა მინისტრის მოვალეობის შემსრულებელის ჟოზეფ ბორელის დანიშვნის გამო კმაყოფილება გამოთქვა და აღნიშნა, რომ მას თავის ესპანელ კოლეგასთან, რომელმაც ფედერიკა მოგერინი შეცვალა, კარგი და საქმიანი ურთიერთობა აქვს.

ეს, რა თქმა უნდა, კარგია, მაგრამ ვითარებაში, როცა ევროპულ პოლიტიკურ მოედანზე ანუ სიტუაციაში, როცა ევროპის ქვეყნების საშინაო პოლიტიკაში რუსეთი აქტიურად ერევა, რაც გარკვეულ წილად აისახა კიდეც ევროპარლამენტის არჩევნებში, ჩვენთვის ყველაზე აქტუალურია თუ რამდენად პრინციპული და თანმიმდევრული იქნება ევროპის საგარეო პოლიტიკა რუსეთის მიმართ.

მხედველობაში მაქვს რუსეთის წინაღმდეგ დაწესებულ ეკონომიკური სანქციები. თქვენი აზრით, ამ თვალსაზრისით სავარაუდოდ როგორი ვითარება იქნება?

- ევროკავშირის სანქციები რუსეთის წინააღმდეგ ყოველ ექვს თვეში ერთხელ გრძელდება, ამის შესახებ გადაწყვეტილებას იღებს ევროკავშირის საბჭო - ანუ ევროკავშირის წევრი ქვეყნების მეთაურები. ამ ეტაპზე სანქციების რეჟიმს საფრთხე არ ემუქრება. გერმანიის ახლანდელი მთავრობა პირველ რიგში დაინტერესებულია მისი გაგრძელებით, სანამ უკრაინის პრობლემები არ მოგვარდება.

მერკელის წასვლის შემდეგაც, თუკი მისი პარტია ხელისუფლებაში დარჩება, სავარუდოდ კვლავ დაუჭერს სანქციებს მხარს, ვინაიდან მერკელის შემცვლელს ანეგრეტ კრამპ-კარენბაუერსაც იგივე პოზიცია აქვს.

თუმცა, რა თქმა უნდა, ყოველთვის არსებობს საფრთხე, რომ რომელიმე ქვეყანა სანქციების გაგრძელებას ერთხელაც მხარს არ დაუჭერს, მით უმეტეს რომ პოპულისტები დღეს რამდენიმე ქვეყნის მთავრობაში არიან და ამასთანავე ბევრი ქვეყნის მთავრობა უბრალოდ დაინტერესებულია რუსეთთან კარგი ეკონომიკური ურთიერთობით.

ლისაბონის ხელშეკრულების თანახმად, ევროკომისიის პრეზიდენტის კანდიდატურა პარლამენტს უნდა წარუდგინოს ევროკავშირის საბჭომ, ანუ ევროპის ქვეყნის ლიდერებმა, და ამ შემთხვევაში საბჭომ არ გაითვალისწინა „შპიცენკანდიდატების“ ეს დაუწერელი წესი, რაც, რა თქმა უნდა, ცუდია ევროკავშირის დემოკრატიულობისთვის

მაგალითად იტალია მთავრობაში პოპულისტების მოსვლამდეც ყოველთვის უფრო კრიტიკულად იყო განწყობილი სანქციების მიმართ. თვითონ გერმანიაშიც ზოგიერთი პარტიაში ბევრი პოლიტიკოსი მხარს უჭერს სანქციების მოხსნას ან შერბილებას.

მათ შორის სოციალ-დემოკრატების მნიშვნელოვანი ნაწილი, რომელნიც, როგორც მოგეხსენებათ, მმართველ კოალიციაში არიან. მაგრამ, საბედნიეროდ, ამ ეტაპზე არც ერთ ქვეყანას არ სურს საერთო ევროპული ხაზის დარღვევა, რაც მათ ნეგატიურ იარლიყს მიაწებებს.

- სულ ცოტა ხნის წინ ევროსაბჭომ რუსეთს ყირიმის ანექსიის გამო წართმეულ-ჩამორთმეული ხმის უფლება აღუდგინა. ფაქტია, რომ ევროსაბჭოში რუსეთს უკრაინის მიმართ გამოვლენილი აგრესია, რომელიც დღემდე გრძელდება და ქვეყნის ნაწილის ოკუპაცია აპატიეს.

თქვენი დაკვირვებით, ევროსაბჭოში რუსეთისათვის ხმის უფლების აღდგენა ერთის მხრივ, სავარაუდოდ რა გავლენას იქონიებს რუსეთის მიმართ ევროპულ პოლიტიკაზე, ხოლო მეორეს მხრივ ჩვენთვის მნიშვნელოვან ისეთ საკითხზე, როგორიცაა ევროპული ქვეყნების მხრიდან აფხაზეთისა და ცხინვალის რეგიონის არაღიარების პოლიტიკა და მესამე მხრივ თავად ევროპულ პოლიტიკურ სცენაზე მიმდინარე პროცესებზე?

- ჩემი აზრით, პრაქტიკული თვალსაზრისით მნიშვნელოვან გავლენას არ იქონიებს. არც არაღიარების პოლიტიკა შეიცვლება. თუმცა, რა თქმა უნდა, სიმბოლური თვალსაზრისით ძალიან ნეგატიური ჟესტია, ხელი შეუწყო რა რუსეთის იმიჯის აღდგენას და აჩვენა კიდევ ერთხელ ერვოპის ამბივალენტური სახე.

ამ ეტაპზე რუსეთის წინააღმდეგ დაწესებულ სანქციების რეჟიმს საფრთხე არ ემუქრება... არც ერთ ქვეყანას არ სურს საერთო ევროპული ხაზის დარღვევა, რაც მათ ნეგატიურ იარლიყს მიაწებებს

ევროსაბჭოს ევროკავშირის პოლიტიკაზე მნიშვნელოვანი გავლენა არ აქვს. შესაბამისად, რაც ხდება ევროსაბჭოში იმას არ ექნება გავლენა არც ევროკავშიირს სანქციების რეჟიმზე და არც რუსეთ-ევროკავშირის ურთიერთობის სხვა სფეროებზე

რაც შეეხება აფხაზეთს და ცხინვალს, აქ ევროკავშირის პოლიტიკას განსაზღვრავენ ევროკავშირის ქვეყნები და თავად კავშირის უწყებები - ევროკავშირის საბჭო, კომისია და პარლამენტი.

ევროსაბჭოს ევროკავშირის პოლიტიკაზე მნიშვნელოვანი გავლენა არ აქვს. შესაბამისად, იმის თუ რა ხდება ევროსაბჭოში, არ ექნება გავლენა არც ევროკავშიირს სანქციების რეჟიმზე და არც რუსეთ-ევროკავშირის ურთიერთობის სხვა სფეროებზე.

- ტრამპის გაპრეზიდენტების პირველ წლებში, ახლა ნაკლებად ბევრი პასუხგაუცემელი კითხვა ისმოდა იმაზე, თუ როგორი იყო და ახლაც არის აშშ-ს ევროპული პოლიტიკა.

თქვენი აზრით, სავარაუდოდ, რა როლს ითამაშებს აშშ-ს ევროპული პოლიტიკა ევროპარლამენტის, ევროკომისიისა და სხვა ევროპული სტრუქტურების მუშაობაზე?

- ტრამპი ევროკავშირს ორ პრეტენზიას უყენებს - რომ ევროპის ქვეყნები არ იხდიან საკმარის თანხას სამხედრო ბიუჯეტში და აქვთ მაღალი სავაჭრო ტარიფები აშშ-თან, რაც პრინციპში ფორმალურად მართალია. ნატო-ს ქვეყნები 2014 წელს შეთანმდნენ რომ 2024 წლისთვის მშპ-ს მინიმუმ 2% გადაიხდიდნენ სამხედრო ბიუჯეტში, მაგრამ ევროპელების უმრავლესობა ამ დანაპირებს არ ასრულებს.

რა გავლენა ექნება ტრამპის კრიტიკას ძნელი სათქმელია. ევროპაში ამის შესახებ ორი მოსაზრება არსებობს - ზოგი მიმომხილველი თვლის რომ, ეს გამოიწვევს ევროპის დისტანცირებას აშშ-გან და დამოუკიდებელ სიმძიმის ცენტრად ჩამოყალიბებას.

ევროკავშირი უსაფრთხოების თვალსაზრისით კვლავ დამოკიდებული რჩება აშშ-ზე და ბევრის აზრით, ევროპელებს ამ მდგომარეობის შეცვლა დიდად არ უნდათ

ამის მაგალითად მოჰყავთ ის, რომ მაკრონი და მერკელი სულ უფრო მეტს საუბრობენ „ევროკავშირის არმიის“ აუცილებლობის შესახებ და ასევე გადაიდგა მნიშვნელოვანი ნაბიჯები სამხედრო ინტეგრაციის კუთხით, მათ შორის სამხედრო სისტემების დაახლოების კუთხით.

მაგალითად, სულ ახლახანს საფრანგეთი, გერმანია და ესპანეთი 2024 წლისთვის საერთოევროპული საჰაერო საბრძოლო სისტემების, მათ შორის ახალი ბომბდამშენის შექმნაზე შეთანხმდნენ.

თუმცა, მეორე მხრივ, ევროკავშირი უსაფრთხოების თვალსაზრისით კვლავ დამოკიდებული რჩება აშშ-ზე და ბევრის აზრით, ევროპელებს ამ მდგომარეობის შეცვლა დიდად არ უნდათ.

- ევროპარლამენტის წევრებმა მომავალ პრეზიდენტად ყოფილი იტალიელი ჟურნალისტი დევიდ სასოლი აირჩიეს. მას მხარი პარლამენტარების უმრავლესობამ დაუჭირა მხარი. კერძოდ, მან 667 ხმიდან 345 ხმა მიიღო.

ვიცით, რომ ევროპარლამენტის ახალი შემადგენლობა საკმაოდ ჭრელია. თქვენი აზრით, ევროპარლამენტი რამდენად პრინციპული და თანმიმდევრული იქნება რუსეთის მიმართ?

- ევროპარლამენტი ჭრელი კი არის, მაგრამ უმრავლესობა კვლავ ტრადიციული სპექტრის პარტიებს აქვთ - სახალხო პარტია, სოციალ-დემოკრატები, ლიბერალები და მწვანეები, ამიტომ მნიშვნელოვანი ცვლილებები არ არის მოსალოდნელი.

ევროპარლამენტი ჭრელი კი არის, მაგრამ უმრავლესობა კვლავ ტრადიციული სპექტრის პარტიებს აქვთ - სახალხო პარტია, სოციალ-დემოკრატები, ლიბერალები და მწვანეები, ამიტომ მნიშვნელოვანი ცვლილებები არ არის მოსალოდნელი... პოპულისტებმა ადგილების მხოლოდ ერთი მეხუთედი აიღეს და გადაწყვეტილების მიღების პროცესში მნიშვნელოვანი გავლენა არ ექნებათ

პოპულისტებმა ადგილების მხოლოდ ერთი მეხუთედი აიღეს და შესაბამისად, გადაწყვეტილების მიღების პროცესში მნიშვნელოვანი გავლენა არ ექნებათ.

არც ერთ პოპულისტ მთავრობას დღემდე არ დაუბლოკავს ევროკავშირის სანქციების რეჟიმი რუსეთთან

ესეც რომ არ იყოს, ულტრამემარჯვენე პოპულისტების შემთხვევაში იკვეთება შემდეგი ტენდენცია, რომ როდესაც ისინი ოპოზიციაში არიან, ღიად მეგობრობენ რუსეთთან, მაგრამ როდესაც მთავრობაში მოდიან, პოზიციას ცვლიან და მეტნაკლებად იცავენ ევროკავშირის ერთიან ხაზს რუსეთთან მიმართებაში.

რა თქმა უნდა, ასეთი ხაზი არსებობს - მაგალითად, არც ერთ პოპულისტ მთავრობას დღემდე არ დაუბლოკავს ევროკავშირის სანქციების რეჟიმი რუსეთთან.

- ყოველივე იმის ფონზე, რაც ევროსტრუქტურებში ხდება, სავარაუდოდ როგორ გამოიყურება ევროპასთან საქართველოს თანამშრომლობის პერსპექტივები, რა სიახლეებია მოსალოდნელი თუ დიდი ცვლილებებისთვის ფანჯარა ღია კარგა ხანს არ იქნება?

- ევროსტრუქტურებში მნიშვნელოვანი ცვლილებები უახლოეს მომავალში არ არის მოსალოდნელი, მინიმუმ შემდეგ სამიტამდე. ევროკავშირს დღეს აქვს უამრავი შიდა პრობლემა და გამოწვევა და სამწუხაროდ, ნაკლებად იცლის მეზობელი ქვეყნებისთვის.

ევროკავშირს დღეს აქვს უამრავი შიდა პრობლემა და გამოწვევა და სამწუხაროდ, ნაკლებად იცლის მეზობელი ქვეყნებისთვის... თუმცა, შეიძლება ახლო მომავალშიც საჭირო გახდება საქართველოსთვის და უკრაინისთვის ურთიერთობის ახალი ფორმატების შეთავაზება, ვინაიდან ამ ქვეყნებმა ბოლომდე ამოწურეს აღმოსავლეთის პარტნიორობის პოტენციალი

თუმცა, რაღაც ეტაპზე, შეიძლება ახლო მომავალშიც, საჭირო გახდება საქართველოსთვის და უკრაინისთვის ურთიერთობის ახალი ფორმატების შეთავაზება, ვინაიდან ამ ქვეყნებმა ბოლომდე ამოწურეს აღმოსავლეთის პარტნიორობის პოტენციალი.

ევროკავშირის ზოგიერთი ქვეყანა ამას აცნობიერებს, თუმცა ასევე თვლიან, რომ საქართველომ ჯერ ასევე ყურადღება უნდა გაამახვილოს რეფორმებზე და ბოლომდე ამოწუროს ასოცირების ხელშეკრულების და ღრმა და ყოვლისმომცველი ვაჭრობის პოტენციალი.

- დარწმუნებული ვარ, თბილისში 20 ივნისის მოვლენები და შემდგომ განვითარებული პროცესები შეუმჩნეველი არ დარჩებოდა ჩვენს ევროპელ პარტნიორებს. თქვენი დაკვირვებით, რა შეფასებები მოჰყვა 20 ივნისსა და შემდგომ თბილისში განვითარებულ პროტესტს?

- თბილისის მოვლენებს ევროპულ ქვეყნებში ერთმნიშვნელოვნად დადებითი გამოხმაურება მოჰყვა. მეორე მხრივ, საკმაოდ უარყოფითად და სარკაზმითაც ფასდება რუსეთის ნეგატიური რეაქცია თბილისის მოვლენებზე.

თბილისში განვითარებულ მოვლენებზე ევროკავშირი უჩვეულოდ თავშეკავებული იყო და ძალიან მშრალი განცხადებებით შემოიფარგლა... შედარებით ადექვატური შეფასება ჰქონდა მხოლოდ რამდენიმე ქვეყანას, მათ შორის აშშ-ს და პოლონეთს

რაც შეეხება ოფიციალურ განცხადებებს, თბილისში განვითარებულ მოვლენებზე ევროკავშირი უჩვეულოდ თავშეკავებული იყო და ძალიან მშრალი განცხადებებით შემოიფარგლა.

ისეთი შთაბეჭდილება იქმნებოდა, რომ მოვალეობის მოხდის მიზნით აკეთებდნენ განცხადებებს. შედარებით ადექვატური შეფასება ჰქონდა მხოლოდ რამდენიმე ქვეყანას, მათ შორის აშშ-ს და პოლონეთს.

წყარო: ,,https://www.interpressnews.ge"


 
 
თქვენთვის საინტერესო
ნატო-ს საპარლამენტო ასამბლეა ალიანსში გაწევრიანებისადმი საქართველოს მისწრაფებას მხარს უჭერს
ნატო-ს საპარლამენტო ასამბლეა მხარს უჭერს საქართველოს მისწრაფებას ალიანსში გაწევრიანებისადმი, თუმცა მოუწოდებს, ევროპის საბჭოს საპარლამენტო ასამბლეის (PACE) რეზოლუციისა და ეუთო-ს ჰელსინკის დეკლარაციის რეკომენდაციები სრულად შეასრულოს.

ირანის ელჩი – ვერანაირი ქარიშხალი და გრიგალი ირან-საქართველოს ურთიერთობებს ხელს ვერ შეუშლის
ვერანაირი ქარი, ქარიშხალი და გრიგალი ირანსა და საქართველოს ურთიერთობებს ხელს ვერ შეუშლის, - ამის შესახებ ირანის საგანგებო და სრულუფლებიანმა ელჩმა საქართველოში აბას თალებიფარმა, საქართველოს საგარეო საქმეთა მინისტრის მოადგილის, დავით დონდუას განცხადების თაობაზე დასმული კითხვის საპასუხოდ აღნიშნა. 

მიხეილ ჯანელიძე - ჩვენ გვყავს ძალიან ძლიერი ადვოკატი ევროპული და ევროატლანტიკური ინტეგრაციის გზაზე - ეს არის საბერძნეთი
ჩვენ გვყავს ძალიან ძლიერი ადვოკატი ევროპული და ევროატლანტიკური ინტეგრაციის გზაზე - ეს არის საბერძნეთი, - ამის შესახებ საგარეო საქმეთა მინისტრმა მიხეილ ჯანელიძემ საქართველოში ოფიციალურ ვიზიტად მყოფ საბერძნეთის საგარეო საქმეთა მინისტრ ნიკოს კოძიასთან შეხვედრის შემდეგ გამართულ ერთობლივ ბრიფინგზე განაცხადა.


 
 
 
აგვისტო
2019
ორ სამ ოთხ ხუთ პარ შაბ კვ
   
1
2
3 4
5
6
7
8
9
10 11
12
13 14 15 16 17 18
19 20 21 22 23 24 25
26 27 28 29 30 31
საქართველო და მსოფლიო
საგარეო უწყება - ICAO-ში საქართველოს წარმომადგენელს დაუდასტურეს, რომ ორგანიზაცია სოხუმის აეროპორტს საქართველოს საჰაერო სივრცის ნაწილად განიხილავს
ICAO-ში საქართველოს მუდმივ წარმომადგენელს კიდევ ერთხელ დაუდასტურეს, რომ ორგანიზაცია სოხუმის აეროპორტს საქართველოს საჰაერო სივრცის ნაწილად განიხილავს. ამის შესახებ ინფორმაციას საქართველოს საგარეო უწყება ავრცელებს.

დეიმონ უილსონი - ქართველებმა იბრძოლეს, რომ თავად განსაზღვრონ საკუთარი მომავალი და არა მათმა მეზობლებმა
ერთადერთი გზა იმის, რომ საქართველომ მისი სუვერენიტეტი დაიცვას, მზარდი და ძლიერი დემოკრატიული ინსტიტუტების აშენებაა, - ამის შესახებ „ატლანტიკური საბჭოს“ აღმასრულებელმა ვიცე-პრეზიდენტმა დეიმონ უილსონმა „ამერიკის ხმის“ ქართულ რედაქციასთან საუბრისას განაცხადა.

ელიზაბეთ რუდი - მოვუწოდებთ რუსეთს, მოხსნას აკრძალვა ფრენებზე და ნება დართოს თავის მოქალაქეებს, ჩამოვიდნენ საქართველოში
ზომები, რომელიც რუსეთის ფედერაციამ მიიღო ფრენების შეწყვეტის შესახებ, იყო არაპროპორციული პასუხი ამ ყველაფერზე და ახლა, როდესაც საქართველოსა და რუსეთის ლიდერებმა გამოთქვეს მზაობა, რომ ურთიერთობები დასტაბილურდეს, ჩვენ მოვუწოდებთ რუსეთს, მოხსნას აკრძალვა ფრენებზე და ნება დართოს თავის მოქალაქეებს, ჩამოვიდნენ საქართველოში და აღდგეს ხალხთაშორის კონტაქტი, - ამის შესახებ აშშ-ს ელჩის მოვალეობის შემსრულებელმა ელიზაბეთ რუდმა „პალიტრანიუსის“ გადაცემაში „დღის თემა“ განაცხადა, როდესაც საქართველოს მიმართულებით ფრენების შეწყვეტის შესახებ რუსეთის პრეზიდენტის 20 ივნისის გადაწყვეტილებაზე ისაუბრა.

დავით ზალკალიანი აშშ-ს სახელმწიფო მდივნის თანაშემწეს ევროპისა და ევრაზიის საკითხებში ფილ რიკერს შეხვდა
საქართველო-ამერიკის სტრატეგიული პარტნიორობის მიმდინარე საკითხები, რეგიონში არსებული უსაფრთხოების გარემო, საქართველოს ევრო-ატლანტიკური ინტეგრაციის პროცესი განიხილეს საგარეო საქმეთა მინისტრმა დავით ზალკალინმა და აშშ-ს სახელმწიფო მდივნის თანაშემწემ ევროპისა და ევრაზიის საკითხებში ფილ რიკერმა ვაშინგტონში გამართული შეხვედრის დროს.

ევროპარლამენტი დღეს ევროკომისიის პრეზიდენტს აირჩევს
დღეს ევროპარლამენტის სხდომაზე ევროკომისიის პრეზიდენტის არჩევაა დაგეგმილია. ევროკავშირის აღმასრულებელი ორგანოს პირველი პირის კანდიდატურის თაობაზე წევრი სახელმწიფოების ლიდერები რამდენიმე დღე ვერ თანხმდებოდნენ. საბოლოოდ შეირჩა კომპრომისული - ვარიანტი გერმანიის თავდაცვის მინისტრი ურსულა ფონ დერ ლაიენი.

პიტერ სიიარტო - რაც მეტნი ვიქნებით, მით უფრო ძლიერები ვიქნებით - უნგრეთი საქართველოსთვის მაპ-ის გააქტიურების მომხრეა
ჩვენ ყოველთვის ღიად და აქტიურად ვუჭერთ მხარს საქართველოს სუვერენიტეტსა და ტერიტორიულ მთლიანობას, - ამის შესახებ ჟურნალისტებს უნგრეთის საგარეო საქმეთა მინისტრმა პიტერ სიიარტომ განუცხადა.

ჩეხეთის საგარეო საქმეთა მინისტრი - საქართველოს გააჩნია ყველა პრაქტიკული მექანიზმი, რაც ნატო-ს წევრობისთვის მოსამზადებლად საჭიროა
ჩეხეთი დაინტერესებულია ჩვენი ეკონომიკური თანამშრომლობის გაძლიერებით როგორც ვაჭრობის, ასევე საინვესტიციო სფეროში, - ამის შესახებ ჩეხეთის საგარეო საქმეთა მინისტრმა ტომაშ პეტრშიჩეკმა საქართველოს საგარეო საქმეთა მინისტრ დავით ზალკალიანთან შეხვედრის შემდეგ განაცხადა.

ეუთოს კომიტეტის მოწოდებას აფხაზეთის დე ფაქტო ხელისუფლება გამოეხმაურა
ეუთოს საპარლამენტო ასამბლეის პოლიტიკურ და უსაფრთხოების საკითხთა კომიტეტის მოწოდებას რუსეთისადმი, გააუქმოს აფხაზეთისა და ე.წ. სამხრეთ ოსეთის დამოუკიდებლობის აღიარება, აფხაზეთის დეფაქტო ხელისუფლება ეხმაურება. „რია ნოვოსტისთან“ საუბარში მარიონეტული რეჟიმის ე.წ. პარლამენტის ვიცე-სპიკერმა ლევონ გალუსტიანმა განაცხადა, რომ აღნიშნული მოწოდება ცალმხრივი და ანგაჟირებულია, რომელიც ღიმილსა და სინანულს იწვევს, რადგან ეს საქართველოს ხელისუფლების სასარგებლოდ მიღებული პირველი რეზოლუცია არ არის.

ბიძინა ლებანიძე - ევროკავშირის ახალი ხელმძღვანელობის არჩევით სავარაუდოდ, საკმაოდ გაძლიერდება ევროკავშირის საგარეო და უსაფრთხოების პოლიტიკა, რაც საქართველოსთვის კარგია
ევროკავშირის რიგგარეშე სამიტის სავარაუდო შედეგებზე „ინტერპრესნიუსი“ გერმანიაში მოღვაწე ქართველ პოლიტოლოგს, საქართველოს პოლიტიკის ინსტიტუტის მკვლევარს, ბრემენის უნივერსიტეტს მეცნიერ-თანამშრომელს და ილიას უნივერსიტეტის ასოცირებულ პროფესორს, ბიძინა ლებანიძეს ესაუბრა.

აშშ-ის ელჩის მოვალეობის შემსრულებელი - მშვიდობის კორპუსი ამერიკის და საქართველოს შორის მეგობრობის მნიშვნელოვანი სიმბოლოა
მშვიდობის კორპუსმა 42 ახალი მოხალისის ფიცის დადების ცერემონია გამართა. ფიცის დადების ცერემონიას ამერიკის ელჩის მოვალეობის შემსრულებელი საქართველოში, ელიზაბეთ რუდი ესწრებოდა. როგორც ელჩმა „ინტერპრესნიუსთან" აღნიშნა, მშვიდობის კორპუსი საქართველოსა და ამერიკის შეერთებული შტატების მეგობრობის სიმბოლოა.

მადლენ ოლბრაითი - საქართველოს და უკრაინას უნდა მიეცეთ შესაძლებლობა, ნატო-ს წევრები გახდნენ
ჩრდილოატლანტიკური ალიანსი ღია უნდა დარჩეს ახალი წევრებისთვის. „დოიჩე ველეს“ ინფორმაციით, ამის შესახებ ამერიკის ყოფილმა სახელმწიფო მდივანმა მადლენ ოლბრაითმა პრაღაში ყოფნისას განაცხადა, სადაც ის ჩეხეთის, პოლონეთისა და უნგრეთის ნატოში გაწევრიანების 20 წლის იუბილესთან დაკავშირებულ ღონისძიებას დაესწრო.

საქართველოს ვიზიტით ნატო-ს გენერალური მდივნის მოადგილე როუზ გიოტმიოლერი ეწვევა
21 სექტემბერს საქართველოს ვიზიტით ნატო-ს გენერალური მდივნის მოადგილე, როუზ გიოტმიოლერი ეწვევა. როგორც „ინტერპრესნიუსს“ საგარეო საქმეთა სამინისტროდან აცნობეს,ვიზიტის ფარგლებში იგი შეხვდება საქართველოს პრეზიდენტს გიორგი მარგველაშვილს, ვიცე-პრემიერ, შინაგან საქმეთა მინისტრს, გიორგი გახარიას, საგარეო საქმეთა მინისტრის მოადგილეს დავით დონდუას და თავდაცვის მინისტრის მოადგილეს, ლელა ჩიქოვანს.

ვარშავაში, საქართველოს ოკუპირებულ რეგიონებში ადამიანის უფლებების კუთხით არსებული მძიმე მდგომარეობის შესახებ ღონისძიება გაიმართა
საქართველოს საგარეო საქმეთა სამინისტროს ორგანიზებით, ვარშავაში საქართველოს ოკუპირებულ რეგიონებში ადამიანის უფლებების კუთხით არსებული მძიმე მდგომარეობის შესახებ ღონისძიება Human Rights of Conflict Affected Population in Georgia გაიმართა.

ყველა სიახლე >>>   
 Created By Intellcomgroup