ICA.GE ჩვენს შესახებ არქივი დაგვიკავშირდით
GE |  AB |  EN |  RU
სიახლეები ოკუპირებული აფხაზეთი
გადაცემები

ქეთევან ციხელაშვილი ოკუპირებულ აფხაზეთში ჩატარებულ ე.წ. საპრეზიდენტო არჩევნებზე - ამ პროცესს ლეგიტიმაცია არ გააჩნია

2019-09-09 16:31

 

მზად ვართ აფხაზურ საზოგადოებასთან გვქონდეს დიალოგი, განვახორციელოთ არაერთი პროექტი, რომელიც, პირველ რიგში, მოსახლეობის კეთილდღეობისაკენ იქნება მიმართული,-ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა განაცხადა.

ქეტევან ციხელაშვილის თქმით, სახელმწიფო რჩება გაცხადებული კურსის ერთგული და დიალოგის საჭიროება დღეს ისე დგას, როგორც არასდროს.

ქეთევან ციხელაშვილმა ოკუპირებულ ტერიტორიაზე ჩატარებულ ე.წ.არჩევნებზეც ისაუბრა და აღნიშნა, რომ პროცესს ლეგიტიმაცია არ გააჩნია.

„ერთადერთი რამ შემიძლია გითხრათ - არც ე.წ. პირველი ტური და არც ე.წ. მეორე ტური ამ მხრივ ერთმანეთისაგან არ განსხვავდება - ე.წ. არჩევნების პროცესს არ გააჩნია არანაირი ლეგიტიმაცია სამართლებრივად. რა თქმა უნდა, იმ ყველაზე მნიშვნელოვანი ფაქტორის გამო, რომ მოსახლეობის ნახევარზე მეტი გამოდევნილია და მათი ნება უგულებელყოფილია.

გარდა იმისა, რომ შედეგები არალეგიტიმურია, სიტუაცია შიგნით საკმაოდ დაძაბული და არაერთგვაროვანია, რაც ე.წ. შიდა პოლიტიკურ პროცესებში იგრძნობა. საზოგადოების განწყობები საკმაოდ კრიტიკულია ზოგადად სიტუაციის მიმართ, რომელიც წლების განმავლობაში რეგიონში მზარდი მილიტარიზაციისა და ძალიან ბევრი სოციალურ-ეკონომიკური და ჰუმანიტარული პრობლემის ფონზე ჩამოყალიბდა. ჩვენთვის, რა თქმა უნდა, მნიშვნელოვანი გახლავთ ის, რომ პროცესები მშვიდობიანად წარიმართოს და მოსახლეობის უსაფრთხოებას რაიმე რისკი არ შეექმნას. მოსახლეობა ჩვენთვის ძალიან მნიშვნელოვანია“, - განაცხადა ქეტევან ციხელაშვილმა.

ინფორმაციას შერიგებისა და სამოქალაქო თანასწორობისა საკითხებში სახელმწიფო მინისტრის აპარატის პრესსამსახური ავრცელებს.

წყარო: ,,https://www.interpressnews.ge"


 
 
თქვენთვის საინტერესო
აფხაზეთის ავტონომიური რესპუბლიკის ხელისუფლების წარმომადგენლები მარტყოფის ღვთაების მამათა მონასტერს სტუმრობდნენ
ასურელი მამის, ღირსი ანტონ მარტყოფელის ( VI ს ) ხსენების დღესთან დაკავშირებით აფხაზეთის ავტონომიური რესპუბლიკის ხელისუფლების წარმომადგენლები და აფხაზეთის მთავრობის აპარატის თანამშრომლები მარტყოფის ღვთაების მამათა მონასტერს სტუმრობდნენ და მონასტერში მოღვაწე ბერებს, რომელთა შორის ბევრი აფხაზეთიდან დევნილია, სურსათ -სანოვაგე შესწირეს. 

მსოფლიოში ყველაზე ღრმა გამოქვაბული საქართველოშია! - უდიდესი განძი, რომელზეც ახალმა თაობამ თითქმის არაფერი იცის
კრუბერის გამოქვაბული დედამიწაზე დღემდე აღმოჩენილ გამოქვაბულთაგან ყველაზე ღრმაა. მისი სიღრმე 2190 მეტრია. იგი აფხაზეთში, არაბიკის მასივში მდებარეობს. გამოქვაბულს სახელი რუსული და საბჭოთა კარსტოლოგიის ფუძემდებლის, ალექსანდრე კრუბერის პატივსაცემად ეწოდა.

მიხეილ (ჩიტო) კაკაბაძის 85 წლის იუბილისადმი მიძღვნილი შემოქმედებითი საღამო
აფხაზეთის ავტონომიური რესპუბლიკის მთავრობისა და აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით, აფხაზეთის დამსახურებული არტისტის, ღირსების ორდენის კავალერის მიხეილ (ჩიტო) კაკაბაძის 85 წლის იუბილისადმი მიძღვნილი შემოქმედებითი საღამო გაიმართა. საღამო თბილისი „არტ-ჰოლში“ 18 :00 საათზე დაიწყო.

აფხაზეთის სკოლების წარჩინებულ კურსდამთავრებულებს ოქროსა და ვერცხლის მედლები გადაეცათ
აფხაზეთის ავტონომიური რესპუბლიკის განათლებისა და კულტურის სამინისტროში 2013-2014 სასწავლო წლის აფხაზეთის საჯარო და ოკუპირებული ტერიტორიის (გალის რაიონი) საშუალო სკოლების წარჩინებულ კურსდამთავრებულებს ოქროსა და ვერცხლის მედლები გადაეცათ.

გამოფენა სახელწოდებით „თბილისის სამხატვრო აკადემიის საგანძური - XIX –XX სს. 50-ანი წწ. ფერწერა“ გამართა
აფხაზეთის ავტონომიური რესპუბლიკის განათლებისა და კულტურის სამინისტრომ თბილისის აპოლონ ქუთათელაძის სახელობის სახელმწიფო სამხატვრო აკადემიასთან ერთად ვალერი არქანიას „არტ-გალერეაში“ გამოფენა სახელწოდებით „თბილისის სამხატვრო აკადემიის საგანძური - XIX –XX სს. 50-ანი წწ. ფერწერა“ გამართა.


 
covid.ge
call center
 
 
 
მარტი
2021
ორ სამ ოთხ ხუთ პარ შაბ კვ
1
2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
საინტერესო ბმულები
ყველა სიახლე >>>   
 Created By Intellcomgroup