მთავარი ჩვენს შესახებ გადაცემები დაგვიკავშირდით
GE |  AB |  EN |  RU
 კულტურა განათლება და მეცნიერება
ეკონომიკა საზოგადოება
ახალი თაობა რელიგია  ჯანდაცვა და სპორტი სახელისუფლებო სტრუქტურები

ქეთევან ციხელაშვილი - მთავარი გამოწვევა, რომელიც დღეს საქართველოს აქვს, განგრძობითი ოკუპაცია და გადაუჭრელი კონფლიქტია

2019-12-05 16:11

შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი საერთაშორისო კონფერენციაზე "აღმოსავლეთ პარტნიორობის სამოქალაქო საზოგადოების ფორუმი" სიტყვით გამოვიდა. როგორც სახელმწიფო მინისტრის აპარატიდან „ინტერპრესნიუსს“ აცნობეს, ქეთევან ციხელაშვილმა სიტყვით გამოსვლისას რამდენიმე საკითხზე გაამახვილა ყურადღება, მათ შორის, ექიმ ვაჟა გაფრინდაშვილის უკანონო პატიმრობაზე, ახალგორის მიმართულებით ჩაკეტილი ე.წ. გამშვები პუნქტზე და ამით გამოწვეულ ჰუმანიტარული კრიზისზე, ოკუპირებულ ტერიტორიებზე არსებული მძიმე ვითარებაზე, გამყოფი ხაზების გასწვრივ მცხოვრები ადამიანების გამოწვევებსა და საქართველოს სამშვიდობო პოლიტიკაზე.

სახელმწიფო მინისტრის თქმით, ბოლო წლების განმავლობაში საქართველომ ევროინტეგრაციის კუთხით ძალიან ბევრს მიაღწია. ციხელაშვილის განმარტებით, რეფორმების თვალსაზრისით იგი რეგიონში წამყვანი ქვეყანაა და არაერთი ხელშესახები შედეგი არსებობს. მათ შორის ღრმა და ყოვლისმომცველი თავისუფალი ვაჭრობის შეთანხმების ფარგლებში, საკანონმდებლო დაახლოების, ადამიანის უფლებების, ტურიზმის, ეკონომიკური გაძლიერების თვალსაზრისით და რაც ძალიან მნიშვნელოვანია, საქართველოს მოქალაქეებისათვის, უვიზო მიმოსვლის მიღწევით.

ამასთან, ქეთევან ციხელაშვილმა იმაზეც გაამახვილა ყურადღება, რომ მაშინ, როდესაც საქართველოს მოქალაქეები უვიზოდ მოგზაურობენ ათასობით კილომეტრის იქით, მოსახლეობის ნაწილი საკუთარ სახლებში, რამდენიმე მეტრში ვერ ახერხებს გადაადგილებას რათა სამეურნეო მიწაზე მივიდეს, სასაფლაო მოინახულოს, ან მეზობელს ხელი ჩამოართვას, რადგან რუსეთის საოკუპაციო რეჟიმი ორი რეგიონის იზოლირებას ახდენს.

„დღეს ვისაუბრე კონკრეტულ პრობლემებზე, ადამიანებზე, რომლებიც სამედიცინო დახმარებას ვერ იღებენ იმ პირობებში, როცა ერთადერთი გადასასვლელი ახალგორის მიმართულებით უკვე მესამე თვეა ჩაკეტილია და ადგილზე ჰუმანიტარული კრიზისი გვაქვს. სამოქალაქო სექტორის წარმომადგენლებს, ისევე როგორც ჩვენს პარტნიორებს, ვთხოვე, რომ ამის თაობაზე ძალისხმევა კიდევ უფრო გააძლიერონ, რადან ეს კრიტიკული ჰუმანიტარული საკითხია.

ვისაუბრე ექიმ ვაჟა გაფრინდაშვილზე, რომელიც ყველა მცდელობის მიუხედავად დღემდე უკანონო პატიმრობაში რჩება, რაც მიუღებელი და გაუმართლებელია. საქართველოს სამოქალაქო საზოგადოებამ აქცია გამართა მის მხარდასაჭერად და პროტესტის გამოსახატავად იმ უკანონობის მიმართ, რომელსაც ადგილი აქვს. მე მივმართე სამოქალაქო საზოგადოების წევრებს სხვა ქვეყნებიდან, რომ მათაც შეუერთონ ხმა, რადგან ეს არის გამოვლინება არა მხოლოდ ერთი კონკრეტული პირის მიმართ, რომელიც აუცილებლად უნდა გათავისუფლდეს, არამედ მთლიანად იმ პოლიტიკისა, რომელსაც საოკუპაციო რეჟიმი ახორციელებს, - განაცხადა ციხელაშვილმა. .

მისივე თქმით, მთავარი გამოწვევა, რომელიც დღეს საქართველოს აქვს, განგრძობითი ოკუპაცია და გადაუჭრელი კონფლიქტია.

„ევროკავშირთან ურთიერთობების ახალი დღის წესრიგში ეს თემა ერთ-ერთი პრიორიტეტული უნდა იყოს. კიდევ უფრო მეტი ნაბიჯი უნდა გადაიდგას, რათა დავეხმაროთ კონფლიქტით დაზარალებულ ადამიანებს, შევძლოთ ერთიანად და ქმედითად ვუპასუხოთ მძიმე ჰუმანიტარულ გამოწვევებს - გადაადგილების თავისუფლების უზრუნველყოფით, ადამიანის უფლებების დაცვით და იმ მახინჯი პრაქტიკის შეწყვეტით, რომელიც ადამიანების უკანონო დაკავებას უკავშირდება. ამ საკითხების წამოჭრა რუსეთთან, აბსოლუტურად ყველა პარტნიორის მხრიდან, ძალიან მნიშვნელოვანია.

ასევე, ვიმუშაოთ კონფლიქტის მშვიდობიანი გადაჭრის უფრო კომპლექსურ ხედვებზე. ჩვენ ამისთვის პროაქტიული სამშვიდობო ინიციატივები გვაქვს, რასაც მთელი მსოფლიო და მათ შორის ევროკავშირი მხარს უჭერს. სამოქალაქო საზოგადოებას ძალიან კონკრეტული და განსაკუთრებული როლის შესრულება შეუძლია ხალხთა შორის კონტაქტისა და ნდობის აღდგენაში. ამით დაიმსხვრევა ის ხილული თუ უხილავი კედლები, რასაც რუსეთი მავთულხლართებითა და პროპაგანდით აგებს“, - განაცხადა ქეთევან ციხელაშვილმა.

ამასთან, როგორც ინფორმაციაშია აღნიშნული, წელს აღმოსავლეთ პარტნიორობის 10 წლის იუბილე აღინიშნა. აღმოსავლეთ პარტნიორობის სამოქალაქო საზოგადოების ფორუმი 2009 წლიდან მოყოლებული ყოველწლიურად ტარდება. იგი სამოქალაქო საზოგადოების 200-ზე მეტ წარმომადგენელს აერთიანებს, აღმოსავლეთ პარტნიორობის რეგიონიდან და ევროკავშირიდან. აქ აგრეთვე იკრიბებიან სხვადასხვა ქვეყნის ოფიციალური პირები.

წყარო: ,,https://www.interpressnews.ge/"


 
 
თქვენთვის საინტერესო
აფხაზეთის ავტონომიური რესპუბლიკის ხელისუფლების წარმომადგენლები მარტყოფის ღვთაების მამათა მონასტერს სტუმრობდნენ
ასურელი მამის, ღირსი ანტონ მარტყოფელის ( VI ს ) ხსენების დღესთან დაკავშირებით აფხაზეთის ავტონომიური რესპუბლიკის ხელისუფლების წარმომადგენლები და აფხაზეთის მთავრობის აპარატის თანამშრომლები მარტყოფის ღვთაების მამათა მონასტერს სტუმრობდნენ და მონასტერში მოღვაწე ბერებს, რომელთა შორის ბევრი აფხაზეთიდან დევნილია, სურსათ -სანოვაგე შესწირეს. 

მსოფლიოში ყველაზე ღრმა გამოქვაბული საქართველოშია! - უდიდესი განძი, რომელზეც ახალმა თაობამ თითქმის არაფერი იცის
კრუბერის გამოქვაბული დედამიწაზე დღემდე აღმოჩენილ გამოქვაბულთაგან ყველაზე ღრმაა. მისი სიღრმე 2190 მეტრია. იგი აფხაზეთში, არაბიკის მასივში მდებარეობს. გამოქვაბულს სახელი რუსული და საბჭოთა კარსტოლოგიის ფუძემდებლის, ალექსანდრე კრუბერის პატივსაცემად ეწოდა.

მაიკლ გეორგ ლინკმა 2015 წლის 6 აპრილს წეროვანის ლტოლვილთა დასახლება და საოკუპაციო ხაზის გასწვრივ მდებარე სოფელი ხურვალეთი მოინახულა
საქართველოში ოფიციალური ვიზიტით მყოფმა ეუთო-ს დემოკრატიული ინსტიტუტებისა და ადამიანის უფლებათა ოფისის დირექტორმა, მაიკლ გეორგ ლინკმა 2015 წლის 6 აპრილს წეროვანის ლტოლვილთა დასახლება და საოკუპაციო ხაზის გასწვრივ მდებარე სოფელი ხურვალეთი მოინახულა.

აფხაზეთის სკოლების წარჩინებულ კურსდამთავრებულებს ოქროსა და ვერცხლის მედლები გადაეცათ
აფხაზეთის ავტონომიური რესპუბლიკის განათლებისა და კულტურის სამინისტროში 2013-2014 სასწავლო წლის აფხაზეთის საჯარო და ოკუპირებული ტერიტორიის (გალის რაიონი) საშუალო სკოლების წარჩინებულ კურსდამთავრებულებს ოქროსა და ვერცხლის მედლები გადაეცათ.

აფხაზეთის ათგზის ჩემპიონის, რევაზ დადიანის მემორიალური საჭადრაკო ტურნირი ჩატარდა
მოსწავლე-ახალგაზრდობის ეროვნული სასახლის ვ. ქარსელაძის სახელობის სკოლაში აფხაზეთის მთავრობის ინიციატივით, აფხაზეთის ა/რ განათლების, კულტრისა და სპორტის სამინისტროს ორგანიზებითა და მოსწავლე-ახალგაზრდობის ეროვნული სასახლის ვ. ქარსელაძის სახელობის სკოლის მხარდაჭერით, ჭადრაკში აფხაზეთის ათგზის ჩემპიონის - რევაზ დადიანის მემორიალური ტურნირი ჩატარდა. ტურნირში მონაწილეობა მიიღეს ოთხმოცამდე სპორტსმენმა, მათ შორის როგორც მოზარდებმა, ისე მოყვარულმა ვეტერანმა სპორტსმენებმა.


 
 
 
მაისი
2020
ორ სამ ოთხ ხუთ პარ შაბ კვ
     1 2
3
4
5
6
7 8
9
10
11
12
13
14
15 16 17
18
19
20
21
22
23
24
25
26
27
28
29 30 31
საქართველო და მსოფლიო
ტოივო კლაარი - სამხრეთ ოსეთის ადმინისტრაციულ გამყოფ ხაზზე უსაფრთხოებასა და გადასასვლელი პუნქტების დაკეტვასთან დაკავშირებით მნიშვნელოვანი მოლაპარაკებები გაიმართა
მნიშვნელოვანი მოლაპარაკებები გაიმართა სამხრეთ ოსეთის ადმინისტრაციულ გამყოფ ხაზზე უსაფრთხოებასა და გადასასვლელი პუნქტების დაკეტვასთან დაკავშირებით,-ამის შესახებ სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენელი ტოივო კლაარი სოციალურ ქსელ „ტვიტერში“ წერს.

მაიკ პომპეო და მარკ ესპერი ამერიკულ ბაზებზე განხორციელებული სარაკეტო თავდასხმის შემდეგ თეთრ სახლში მივიდნენ
აშშ-ის სახელმწიფო მდივანი მაიკ პომპეო და თავდაცვის მინისტრი მარკ ესპერი ირანის მიერ ამერიკულ ბაზებზე განხორციელებული სარაკეტო თავდასხმის შემდეგ თეთრ სახლში მივიდნენ, - ამის შესახებ ინფორმაციას „როიტერსი“ ავრცელებს.

კელი დაგნანის განცხადებით, დღეს საქართველოს წინაშე არსებულ გამოწვევებს შორის რუსეთის აგრესიული ქმედებების გარდა, არის ჩინეთის გავლენის გაძლიერება
აშშ-ს სენატი საგარეო ურთიერთობათა კომიტეტის სხდომაზე საქართველოში ამერიკის ელჩად წარდგენილმა კელი დაგნანმა საქართველოს მიმართ რუსეთის აგრესიაზე ისაუბრა. მისი თქმით, საქართველო რუსეთის დესტრუქციული და აგრესიული ქმედებების სამიზნე აღმოჩნდა.

ნურიელ რუბინი - საქართველო მაკროეკონომიკური სტაბილურობის კარგი მაგალითია
საქართველო მაკრო და სტრუქტურული რეფორმების წარმატებით განხორციელების კუთხით სამაგალითო ქვეყანაა,- ამის შესახებ „აბრეშუმის გზის ფორუმის“ გახსნით პანელზე - „ერთად საერთო მომავლისკენ: სტაბილური და მდგრადი ზრდის მოდელები” ფარგლებში ნიუ-იორკის სტერნის ბიზნესსკოლის ეკონომიკის პროფესორმა ნურიელ რუბინიმ განაცხადა.

აშშ-ის წარმომადგენელთა პალატამ საქართველოს მხარდამჭერი ორპარტიული აქტი დაამტკიცა
აშშ-ის წარმომადგენელთა პალატამ ერთსულოვნად დაამტკიცა ორპარტიული „საქართველოს მხრდამჭერი აქტი“, რაც საქართველოსა და აშშ-ს შორის სტრატეგიული ურთიერთობების თვისებრივად კიდევ უფრო მაღალ დონეზე აყვანის მკაფიო დასტურია. ამის შესახებ ინფორმაციას საგარეო საქმეთა სამინისტრო ავრცელებს.

გიორგი გახარია - პრეზიდენტ შტაინმაიერის ვიზიტი ადასტურებს, რომ გერმანია საქართველოს საიმედო პარტნიორად მიიჩნევს
საქართველოს ევროპული და ევროატლანტიკური ინტეგრაციის გზაზე გერმანიის მხარდაჭერას უდიდესი მნიშვნელობა ენიჭება და თქვენი ოფიციალური ვიზიტი ადასტურებს, რომ გერმანია საქართველოს საიმედო პარტნიორად მიიჩნევს, - ამის შესახებ საქართველოს პრემიერ-მინისტრმა გიორგი გახარია გერმანიის ფედერაციული რესპუბლიკის პრეზიდენტ ფრანკ-ვალტერ შტაინმაიერთან შეხვედრისას განაცხადა.

ესტონეთის პრეზიდენტი - რუსეთ-საქართველოს ომიდან სულ რაღაც სამ თვეში ევროპა რუსეთთან ჩვეულ ურთიერთობას დაუბრუნდა და ეს ძალიან დიდი შეცდომა იყო
რუსეთ-საქართველოს ომის შემდეგ, სულ რაღაც სამ თვეში ევროპა რუსეთთან ჩვეულ ურთიერთობას დაუბრუნდა და ეს ძალიან დიდი შეცდომა იყო. ამან გამოიწვია ტალღა, რომლის შედეგიც ყირიმის ანექსია იყო, - ამის შესახებ ესტონეთის პრეზიდენტმა კერსტი კალიულაიდემ „ევროპეისკაია პრავდას განუცხადა.

ევროკავშირის სადამკვირვებლო მისია - ადმინისტრაციულ სასაზღვრო ხაზთან შეიარაღებული პირების მუდმივი კონცენტრაცია წარმოადგენს რისკს სტაბილურობისთვის
მისია აღნიშნავს ჩორჩანა-წნელისის რაიონში, ძალოვანი უწყებების არსებით, უწყვეტ წარმომადგენლობას. რამდენიმე ახალი პოზიციის მოწყობა ადმინისტრაციული სასაზღვრო ხაზის გასწვრივ და შეიარაღებული პირების მუდმივი კონცენტრაცია, ზრდის მათი მოულოდნელი შეხვედრის ალბათობას და წარმოადგენს რისკს სტაბილურობისთვის, - ამის შესახებ ნათქვამია ევროკავშირის სადამკვირვებლო მისიის მიერ გავრცელებულ ინფორმაციაში, რომელიც საოკუპაციო ხაზთან არსებულ ვითარებას ეხება.

ნატო-ს საპარლამენტო ასამბლეის პრეზიდენტი რუსულ ოკუპაციაზე - გპირდებით, რომ ჩვენ მხოლოდ მოხსენებას არ დავწერთ და გავაკეთებთ ყველაფერს, რაც შეგვიძლია
გპირდებით, რომ ჩვენ მხოლოდ მოხსენებას არ დავწერთ. ჩვენ გავაკეთებთ ყველაფერს, რაც შეგვიძლია, - ამის შესახებ ჟურნალისტებს ნატო-ს საპარლამენტო ასამბლეის პრეზიდენტმა, მედლინ მუნმა ხურვალეთში განუცხადა.

ევროპისა და ამერიკის ქვეყნები ოკუპირებული აფხაზეთის ე.წ. საპრეზიდენტო არჩევნებს ერთობლივი განცხადებით გმობენ
ევროპისა და ამერიკის ქვეყნებმა ოკუპირებულ აფხაზეთის რეგიონში 2019 წლის 25 აგვისტოს გამართული ე.წ. საპრეზიდენტო არჩევნები ერთობლივი განცხადებით დაგმეს და მოუწოდეს რუსეთის ფედერაციას, უკან წაიღოს თავისი უკანონო გადაწყვეტილება საქართველოს აფხაზეთისა და ცხინვალის რეგიონების ე.წ. დამოუკიდებლობის აღიარების შესახებ.

ყველა სიახლე >>>   
 Created By Intellcomgroup