ICA.GE ჩვენს შესახებ არქივი დაგვიკავშირდით
GE |  AB |  EN |  RU
სიახლეები ოკუპირებული აფხაზეთი
გადაცემები

დავით ზალკალიანი - საქართველოს პოზიციაა, რომ დასავლელი პარტნიორების წინაშე წარვდგეთ ძალიან მკაფიო პოზიციით, რა მოლოდინები გვაქვს „აღმოსავლეთ პარტნიორობის“ სამიტთან მიმართებაში

2021-11-15 23:24

 

საქართველოს პოზიციაა, რომ დასავლელი პარტნიორების წინაშე წარვდგეთ ძალიან მკაფიო პოზიციით, რა მოლოდინები გვაქვს „აღმოსავლეთ პარტნიორობის“ სამიტთან მიმართებაში, – ამის შესახებ საქართველოს საგარეო საქმეთა მინისტრმა დავით ზალკალიანმა „აღმოსავლეთ პარტნიორობის“ საგარეო საქმეთა მინისტერიალზე განაცხადა.

ზალკალიანის თქმით, მნიშვნელოვანი მინისტერიალია, იქიდან გამომდინარე, რომ 2017 წლის შემდეგ „აღმოსავლეთ პარტნიორობის“ სამიტი არ ჩატარებულა და მისი განცხადებით, ეს კიდევ უფრო მეტ დატვირთვას აძლევს მას.

„ჩვენი პოზიციაა, რომ კოლეგების, ჩვენი დასავლელი პარტნიორების წინაშე წარვდგეთ ძალიან მკაფიო პოზიციით, რა მოლოდინები გვაქვს „აღმოსავლეთ პარტნიორობის“ სამიტთან მიმართებაში. დღეს კიდევ ერთხელ ვიტყვი, რომ „აღმოსავლეთ პარტნიორობის“ სამიტის ფარგლებში, საქართველოსთან მიმართებაში გაჟღერებული იყოს ძალიან მკაფიო პოზიცია ჩვენს ევროპულ მისწრაფებებთან და არჩევანთან დაკავშირებით. აღიარებული უნდა იყოს ის პროგრესი, რომელიც საქართველოს აქვს ამ მიმართულებით. გარდა ამისა, ჩვენი პოზიციაა, რომ ევროკავშირის პოზიციები, რეგიონის უსაფრთხოების კუთხით, მკაფიოდ იყოს დაფიქსირებული და ევროკავშირის როლი კონფლიქტების მოგვარების პროცესში გამოკვეთილი იყოს, მხარდაჭერილი იყოს საქართველოს ტერიტორიული მთლიანობა და სუვერენიტეტი, ასევე ის მნიშვნელოვანი თანამშრომლობა, რაც არის განპირობებული დაკავშირებადობით, ამასთან, ჩვენი ფიზიკური ინტეგრაციითა და სექტორული კუთხით თანამშრომლობის თვალსაზრისით“, – განაცხადა ზალკალიანმა.

მისივე თქმით, ევროკომისარ ოლივერ ვარჰეიმ საქართველოში ვიზიტის დროს წარადგინა პროექტები, რომლებიც დაკავშირებულია მნიშვნელოვან ინტეგრაციულ პროცესებთან და როგორც ზალკალიანმა განაცხადა, „ეს საფლაგმანო პროექტები მნიშვნელოვანია, ითარგმნოს პრაქტიკულ განზომილებაში“.

„მოგეხსენებათ, რომ ცოტა ხნის წინ, როდესაც საქართველოში იმყოფებოდა ევროკომისარი ოლივერ ვარჰეი, მან წარმოადგინა პროექტები, რაც დაკავშირებულია მნიშვნელოვან ინტეგრაციულ პროცესებთან და ვფიქრობ, მნიშვნელოვანია ეს საფლაგმანო პროექტები ითარგმნოს პრაქტიკულ განზომილებაში. ესეც იქნება მნიშვნელოვანი ხელშესახები პროგრესი საქართველოს ევროკავშირში ინტეგრაციის გზაზე და კიდევ ერთხელ დადასტურება, რომ აღმოსავლეთ პარტნიორობა არის უაღრესად მნიშვნელოვანი ინიციატივა, რომელსაც მიუხედავად იმისა, რომ არის პრობლემები გარკვეულ ქვეყნებთან მიმართებაში, არიან ასოცირებული ქვეყნები და ასოცირებული ტრიო – საქართველო, უკრაინა, მოლდოვა, რომლებსაც აქვთ ხელშესახები პროგრესი. ამიტომ პრინციპი – მეტი მეტისთვის იყოს უზრუნველყოფილი ამ ქვეყნებთან მიმართებაში. მაქვს მოლოდინი, რომ ჩვენი ევროპელი პარტნიორების მხრიდან იქნება შემხვედრი ნაბიჯები და ეს ყველაფერი შემდგომში ასახული იქნება სამიტის დეკლარაციაში“, – განაცხადა დავით ზალკალიანმა.

საქართველოს საგარეო საქმეთა სამინისტროს ინფორმაციით, მინისტერიალი „აღმოსავლეთ პარტნიორობის“ სამიტამდე ერთი თვით ადრე იმართება და მიზნად ისახავს დისკუსიის წარმოებას სამიტის მთავარი თემების ირგვლივ.

https://mfa.gov.ge/News/davit-zalkaliani-evropeli-partniorebis-cinashe-und.aspx?CatID=5


 
 
თქვენთვის საინტერესო
ახალი ამბები ყოვლადწმინდა ღვთისმშობლის ხატი – „ყოველთა მწუხარეთა სიხარული“ ბორჯომის წმინდა მღვდელმთავარ ნიკოლოზის სახელობის საკათედრო ტაძარში დაბრძანდა
ყოვლადწმინდა ღვთისმშობლის ხატი - „ყოველთა მწუხარეთა სიხარული" ქარელის ყოვლადწმინდა სამების სახელობის საკათედრო ტაძრიდან წამოაბრძანეს და ბორჯომისა და ბაკურიანის ეპარქიაში, ბორჯომის წმინდა მღვდელმთავარ ნიკოლოზის სახელობის საკათედრო ტაძარში დაბრძანდა.

„ყოველთა მწუხარეთა სიხარული" თბილისიდან ქუთაისში წააბრძანეს და ღვთისმშობლის ხარების სახელობის ტაძარში დააბრძანეს.
27 სექტემბერს ღვთისმშობლის ხატი „ყოველთა მწუხარეთა სიხარული", რომელიც ერთი წლის წინ, აფხაზეთში 90-იან წლებში განვითარებული ტრაგიკული მოვლენებისას დაღუპულთა სულების მოხსენიებისა და შერიგების მლოცველთათვის სრულიად საქართველოს კათოლიკოს პატრიარქის უწმინდესისა და უნეტარესის ილია II-ის ლოცვა-კურთხევით დაიწერა

საქართველოს პრეზიდენტმა 2016 წელი საქართველოში ევროპული სახელმწიფოს წლად გამოაცხადა
გიორგი მარგველაშვილი : ჩვენ დამოუკიდებლობიდან უნდა შევქმნათ თავისუფალი საქართველო! საქართველოს პრეზიდენტი გიორგი მარგველაშვილი ეროვნული გვარდიის  25 წლისთავისადმი მიძღვნილ ცერემონიას დაესწრო. ქვეყნის უმაღლესმა მთავარსარდალმა სამხედრო მოსამსახურეებს სიტყვით მიმართა: 

აფხაზეთის ავტონომიური რესპუბლიკის საინფორმაციო უზრუნველყოფის ცენტრის განცხადება
16 მარტს, გმირთა მოედანზე,  საქართველოს ცენტრალური და აფხაზეთის ავტონომიური რესპუბლიკის  ხელისუფლებისა და  საზოგადოების წარმომადგენლებმა  გვირგვინებით შეამკეს  საქართველოს ტერიტორიული მთლიანობისათვის ბრძოლებში დაღუპულთა მემორიალი.


 
covid.ge
call center
 
 
 
იანვარი
2022
ორ სამ ოთხ ხუთ პარ შაბ კვ
      1 2
3 4 5 6 7 8 9
10 11 12
13
14
15
16
17
18
19
20
21
22 23
24
25
26 27 28 29 30
31
საინტერესო ბმულები
ყველა სიახლე >>>   
 Created By Intellcomgroup